Raisul wasaaraha israa’iil Netanyahu oo khudbad yaableh u jeediyay Congress-ka Mareykanka, wacadna ku maray.

Ururka Xisbullah ee Lubnan ee taageerada ka hela Iran ayaa shaaciyay inay diyaaradaha aanan duuliyaha laheyn ku weerartay saldhigga Israa’iil ee Buura Hermon oo ku yaalla buuraleyda Golan Heights ee Suuriya ee ay heysato Isra’il. Buurta Hermon ayaa waxaa ku yaalla saldhig muhiim ah oo ay Israa’iil u isticmaasho ilaalinta mandiqadda, gaar ahaan howlaha basaasidda iyo difaaca cirka. Israa’iil ayaa halkaasi si gaar ah uga ilaalineysay dhaq-dhaqaaqa WSuuriya, Ciraaq, Urdun iyo qeybo ka mid ah Sacuudiga tan iyo 1973-di, markaas oo uu dhacay dagaalkii Isra’il iyo Carabta. Xisbullah waxay sheegtay in weerarka bam ee ay ku qaadday Buurta Hermon uu ahaa kii ugu horreeysay, tan iyo markii ay iyada iyo Israa’iil billaabeen inay madaafiic is weydaarsadaan 8-dii bishii October, maalin kaddib markii ay Xamaas weerartay koofurta Israa’iil, weerarkaas oo dhaliyay duullaanka ay Israa’iil ku qaadday Gaza. Xisbullah ayaa sheegtay inay joojin doonto weerarada ay ku heyso Israa’iil, marka ay Israa’iil joojiso dagaalka ay ka waddo Gaza. Ciidanka Israa’iil ayaan weli war kasoo saarin duqeynta ay sheegtay in ay Xisbullah ku qaadday saldhiga Israa’iil ee Buurta Hermon ee dhulka la hesto ee Golan. Weerarkan ayaa imanaya xilli dhex-dhexaadiyaasha Mareykanka, Reer Yurub iyo Carabta ay ku dadaalayaan in weerarada Israel iyo Xizbullah aanay u gudbin dagaal baahsan oo Bariga Dhexe ka dhaca, kaasi oo dunidu ay ka cabsi qabtay muddo billo ah.

Madaxweynaha Mareykanka Joe Biden iyo madaxweyne ku xigeenkiisa Kamala Harris ayaa arbacadii shalay tagay deegaannada koonfur bari ee Maraykanka, si ay u soo indha indheeyaan burburka ay ka tagtay duufaanta Helene. Biden ayaa cagta soo mariyay gobollada North Carolina iyo South Carolina, halka Harris ay tagtay magaalada Augusta ee gobolka Georgia. Hadal uu ka jeediyay gobolka North Carolina oo ka mid ah meelaha ay sida daran u burburiysay fuufaanta Helene, ayuu madaxweyne Biden ku sheegay in balaayiin dollar ay ku bixi doonto eesha iyo burburka ay ka tagtay duufaantan. Madaxweyne ku xigeenka Maryekanka haweneyda lagu magacaabo Kamala Harris, ayaa iyaduna hadal ay ka jeedisay xaafadda Meadowbrook ee magaalada Augusta ku sheegtay, in uu jiro xanuun iyo walaac ka dhashay duufaanta, arrintaas oo ay ku tilmaantay in ay tahay sababta ay halkaasi u gaartay si ay shakhsiyan u qiimeyso baaxadda dhibaatada. Gobolka North Carolina, malaayiin qof ayaanan wali heysan biyo nadiif ah oo ay cabbaarn. Guud ahaan tirada dadka ay ku dishay duufaanta Hellene gobollada Koofurbari ee Mareykanka ayaa hadda gaaray 166 ruux.

Wasaaradda Difaaca ee Mareykanka ayaa Jimcihi shalay sheegay, in diyaarado iyo maraakiib dagaal oo dheeraad ah u dirayo saldhigyada uu ku leeyahay Bariga Dhexe, kaddib marki ay Iran iyo xulufadeeda sida Xamas iyo Xisbullah ku hanjabeen in ay u aar-gudi doonaan Ismacil Haniyah. Bayaan kasoo baxay xarunta Pentagon-ka ee ay ku shaqeyso Waaxda Difaaca ayaa lagu sheegay, in xoghayaha difaaca Mareykanka Lloyd Austin uu ogolaaday maraakiibta ciidanka badda, kuwaas oo awoodi kara in ay soo ridaan gantaallada baalistiga ee ku jawahan Bariga Dhexe ama Yurub. Bayaanka ayaa sidoo kale lagu sheegay in diyaaradaha dagaalka Mareykanka lagu xooji doono kuwa hadda ka jooga Bariga Dhexe. Mareykanka ayaa 13-ki April xoojiyay ciidamada ka jooga Bariga Dhexe, kaddib marki ay Iran gantaallo dhowr ah iyo diyaaradaha aanan duuliyaha laheyn ku weerartay Isra’il, iyada oo uga aargudaneysay diblamaasiyiin Iraaniyiin ah oo ay Isra’il ku dishay Suuriya. Maraakiibta iyo diyaaradaha dagaal ee uu Mareykanka u dirayo Bariga Dhexe ayaa ku soo beegmeysa xilli ay aad u kacsan tahay xiisadda gobolka, kaddib dilki hogaamiyihii Xamaas, Ismacil Haniyah, iyo laba abaanduule oo ka kala tirsanaa Xisbullah iyo Xamas oo ay Isra’il ku kala dishay Beyrut iyo Gaza dhawaan.