Qaabka fikirka Maamulka Barcelona iyo doonista hansi flick ma wada socdaan waxaana aad ka arkaysa magacyada lala xidhiidhinayo kooxda.

Kooxda kubadda cagta Real Madrid ayaa isku diyaarinaysa shaacinta heshiis rasmi ah oo ay ka saxeexayaan xiddig ruug-caddaa ah oo kaalin weyn kasoo qaatay guulihii ay Los Blancos gaadhay xilli-ciyaareedkii tegay oo ay isku darsatay Champions League, LaLiga iyo Spanish Super Cup. Real Madrid oo Isniintii toddobaadkii hore si rasmi ah u shaacisay heshiiska Kylian Mbappe oo u saxeexay qandaraas shan sannadood ah, sidoo kalena uu bisha July soo gaadhi doono weeraryahanka reer Brazil ee Endrick oo ka mid ah xiddigaha xulka qaranka Brazil ee ka qayb-gelaya tartanka Copa America, ayaa waxa ay dhinaca kalena ku hawlan tahay dhamaystirka weeraryahan kale oo ay qancisay kartidiisu. Sida uu qoray wargeyska The Athletic, Real Madrid ayaa waxa ay si rasmi ah ula saxeexanaysaa weeraryahanka reer Spain ee Joselu oo xagaagii hore ay amaah kaga soo qaadatay Espanyol, waxaana hadda ay dhaqan-gelinaysaa qodob ku jiray heshiiskaas oo fursad u siinayay Madrid inay €1.5 milyan oo Euro oo kaliya si rasmi ah ugula wareegaan. Waxa kale oo ay Real Madrid bixisay €500,000 Euro oo ahaa heshiiskii amaahda ee ay Espanyol ay ku xidhay markii ay Madrid soo qaadanaysay laacibkan oo 17 gool oo dhamaan tartamada ah u saxeexay Los Blancos oo hadda noqon doona ciyaartoy rasmi ahaan uga tirsanaanaya Real Madrid.

Suuqa kala iibsiga xagaaga ayaa si rasmi ah u furmay bilowgii Bishan July xiddigo badan ayuuna dhacay heshiisyadii ay kula jireen kooxdooda. Xiddigo badan ayaa haatan xor ah in ay bilowdaan xirfad cusub oo ay ka bilaabayaan kooxaha kale. Warbixintan waxa aan halkan ku soo bandhigi doonaa magacyada waaweyn ee xorta uga tagay kooxohooda suuqa xagaaga. Raphael Varane (Man United – Raphael Varane waxa uu ahaa ciyaaryahan cajiib ah markii uu taamka u ahaa in uu u ciyaaro Man United laakiin dhibaatooyin dhaawac ayaa hadheeyay wakhtigiisii Old Trafford. Xiddigii hore ee Real Madrid ayaa si aad ah loola xiriirinayay inuu u dhaqaaqayo kooxda dhawaan soo dalacday Seria A ee Como, taas oo uu Fabregas inuu yahay macalinkooda haatan. Thiago Silva (Chelsea Thiago Silva ayaa la filayay inuu beeca xorta ah kaga tago Chelsea xagaagii hore, laakiin waxa uu doortay inuu u saxeexo heshiis kordhin hal sanno ah si uu ugu sii joogo Blues ilaa 2024ka. Waxaa jiray hadal heshis kale oo dheeri ah, si kastaba ha ahaatee xiddiga reer Brazil ayaa doortay in uu isaga tago kooxda waxana uu ku laabtay kooxdiisii hore ee Fluminense. Memphis Depay (Atletico Madrid Memphis Depay u soo ciyaaray kooxo badan oo yurub ah xirfadiisa ciyaareed waxana uu u soo ciyaaray kooxaha PSV Eindhoven, Man Utd, Lyon, Barcelona iyo Atletico Madrid intii uu ku guda jiray xirfadiisa ciyaareed. Xiddiga reer Netherlands ayaa mar kale ku biiri doona koox kale kadib markii uu dhacay heshiiskiisa Atletico Madrid. Thiago Alcantara (Liverpool Shan daqiiqo oo uu ka horyimid Arsenal bishii February ayaa ahayd markii kaliya ee Thiago Alcantara uu soo galay garoonka intii lagu jiray xilli ciyaareedkii 2023-24, iyadoo ninka Liverpool uu awoodi waayay inuu ka takhaluso arrimo badan oo dhaawacyo ah. Sergio Ramos (Sevilla Sergio Ramos ayaa dib ugu biiray Sevilla bishii Sebtembar 2023, laakiin waayihiisii ​​kooxda reer Spain ayaa durba soo dhamaaday ka dib markii uu dhacay heshiiskiisa. Anthony Martial (Man Utd Ka dib markii uu muujiyay balanqaadyo badan sanadihii hore ee xirfadiisa Man Utd, Anthony Martial waqtigiisii ​​Old Trafford si weyn ayuu u fashilmay isaga oo ku dhibaatooday dhaawacyo ilaa intii uu ka tagay kooxda. Adrien Rabiot (Juventus Adrien Rabiot ayaa caado ka dhigtay in uu hal sano oo heshiis kordhin ah u saxiixo Juventus, sidaas darteed inkasta oo uu haatan heshiiskiisu dhacayo haddana xiddiga heerka caalami ee dalka France ayaa laga yaabaa in uu sii joogo Turin 12 bilood oo dheeraad ah. Haddii uu baxo, kooxaha Yurub ayaa xiiseyn doona, iyadoo Man Utd iyo Real Madrid ay labaduba isha ku hayaan xaaladiisa, sida ay wararku sheegayaan.  

Xulka Brazil ayaa isaga haray tartanka Copa America, kadib markii ay Guuldaro rigoorayaal ah kala kulantay Uruguay kulan ka tirsanaa 8 dhamaadka Copa America. Kulanka ayaa ahaa mid si xamaasad leh ku bilowday iyada oo labada xulba samaynayaan fursado badan. Labada xul ayaa sameeyay fursado badan laakiin uma suurtagalin in ay wax gool ah dhaliyaan. Brazil Iyo Uruguay ayaa ku kala baxay bar-baro gool la’aan ah 90-Kii daqiiqo ee caadiga ahaa. Waxa ay isla aadeen 30 daqiiqo oo dheeri ah si ay labada xul u kala baxaan. Xulka Uruguay ayay guushu ku raacday 4/2 waxana ay iska xaadiriyeen Semi-final-ka euro 2024.