Dulsar TV

Gen. Zakia oo laga qaaday xilka taliye xigeenka Boliska soomaaliyeed & Sarkaal caan ah oo lagu bedelay.

Taliye ku-xigeenkii Booliska Soomaaliya Gen. Sakiya Xuseen ayaa qoraal ay soo dhigtay gacankeeda Facebook ku sheegtay in xilka laga qaaday

Waxay sheegtay in lagu baddelay Gen. Cabdalla Cabdalla Maxamed oo mar soo noqday Taliye ku-xigeenka NISA.

Gen. Cabdalla Cabdalla ayaa waxaa ka mid ahaa xubnihii ugu waaweynaa mucaaradka Farmaajo, waxaana xiligaas laga xayuubiyey darajadii ciidanimo, inkastoo uu u soo celiyey Madaxweyne Xassan Shiikh markii uu xilka la wareegay.

HOOS KA AKHRISO QORAALKA ZAKIA

Xilku waa meerto Difaaca qaranka waa joogto

5 sano iyo 10 bilood khidmeyn sare

2 Madaxweyniyaal

3 Raisul-Wasaare

3 Wasiiro Amni

3 Taliyaal Boliis

Hirgelinta qadka 991

Abuurid koox (50) gabdho ka mid ciidanka gaarka

Hirgelinta ILA WADAAG FORUM (Bolis &Bulshada)

Hirgelinta Operation 3G (Haweenka & Amniga)

Ragga Soomaliyeed baro micnaha TALISO

Rabbigii fursad ii siiyay in intaas oo madax ah aan la soo shaqeeyo, intaas oo mashaariic aan hirgeliyo oo hada i fasaxay anigoo eed la ii heysan ayaa mahad oo dhan leh

Waxaa shalay Boliiska ku soo biiray iyadoo sareeyasha ay lebiska ku watan bac iyagoo baqaaya in la dilo. Waxaana manta ka tagaayaa iyagoo ku faani karo Boolisnimada iyo Bulshada oo haysato meel Boliis kala xiriiraan iyo kala xisaabtamaan.

Dadkii igu garab istaagay inaan gaaro guulaha kor ku xusay, abaalkiina ma gudi karo. Inta yareed oo aaminsaneed in caqabo ku ahaa danahooda gaarka ah, garoonka waa idiin baneeyee dhoolatuskiina gala.

Adeerkeey Gen Abdalla Abdalla Maxamed waxaa leeyahay soo dhawoow, dhaqsana ku soo laabo aan xilka kugu wareejiyee! Hada is weydisaan Gaabeey xagee hada ka dhici doontaa? Waxaa idin leeyahay Gaabeey waa Gabar Soomaliyeed oo weli Generaal ah welina Heegan Buuxa ugu jirta u khidmeynta Dalkeeda, Dadkeeda & Diinteeda.

Related Posts

Ugaas Maxamed Ugaas Axmed oo ah Ugaaska guud ee Beesha Sade oo la hadlay warbaahinta ayaa si adag ugu jawaabay dowladda federaalka.

Ugaas Maxamed Ugaas Axmed oo ah Ugaaska guud ee Beesha Sade oo la hadlay warbaahinta ayaa si adag ugu jawaabay dowladda federaalka kadib go’aankeeda ku aadan hubkii lagu dhacay degmada Caabudwaaq ee gobolka Galgaduud. Ugaaska ayaa ugu horreyntii nasiib darro ku tilmaamay in dowladdy ay u goodiso shacabkii gacanta ku dhigay hubkii sharci darrada ahaa ee lagu qabtay waqooyiga Galgaduud. Sidoo kale waxa uu tilmaamay in dowladda federaalka aysan waxba kasoo qaadin qatar uu sheegay inay baajiyeen shacabka hubkaas gacanta ku dhigay, taasi beddalkeeda loogu beddalay xasuuq bahalnimo ah oo loo gaystay, sida uu hadalka u dhiga. Ugaas Maxamed Ugaas Axmed ayaa sidoo kale shaaca ka qaaday in hubkan uu halis ku ahaa deegaanka, isla markaana uu u gacan geli lahaa kooxo qatar ku ah amniga, balse laga hortegay, kadib markii ay ka war heleen shacabka degmada Caabudwaaq. “Sida la wada ogyahay, koox abaabulan, oo ka ganacsata hubka sharci darrada ah, ayaa saanad ciidan oo kontarabaan ah, soo gelisay waqooyiga Galgaduud,16-kii July 2024, hubkaas, oo ahaa mid aan lagu wargelin hoggaanka dhaqanka, madaxda maamullada iyo guud ahaan dadka deegaanka, ayaa qarka u saarnaa in uu gacanta u galo kooxo halis ah, qatarna galiyo amniga deegaanka, Galmudug iyo guud ahaan Dalka,” ayuu yiri Ugaas Maxamed. Waxaa kale oo uu intaasi kusii daray in ciidamada amniga ee galbinayey hubkaas ay ku guul dareysteen n in ay shacabka ka qanciyaan walwalka amni ee la soo darsay, waxayna taas beddelkeeda ugu jawaabeen sida uu sheegay dagaal galaaftay 12 qof, laguna dhaawacay 50 kale. Ugaaska waxaa kale oo uu ka hadlay qorshaha hadda socda ee lagu doonayo in lagu soo celiy hubkaasi, wuxuuna ku dooday in dhammaan beelaha Soomaaliyeed ay hubeysanyihiin, aysana jirin cid lagu sameeyey hub-ka-dhigis. Gabagabadii wuxuu ka dalbaday dowladda dhexe ina si deg deg ah  u qaadato mas’uuliyadda shacabkii ku dhintay dagaalkii ka dhacay deegaanka Shiilmadow ee hoostaga degmada Caabudwaaq, maadaama halkaas ay dhibaato ka dhacday. Hadalkan ayaa kusoo aadayo, ayada oo haatan Galmudug iyo dowladda federaalka ay wadaan qorshayaal ku aadan sidii lagu soo celin lahaa hubkii lagu bililiqeystay waqooyiga gobolka Galgaduud, kaas oo dhaliyay walaac, maadaama uu galay gacanta shacabka.

warka
Wabiga shabelle ayaa ku fatahay xaafado hor leh oo baladweyne ka tirsan.

Xaalka baladweyne waa allow sahal  biyihii wabiga ee ku fatahay magaalada ayaa ka sheegayaa inay biyo kale oo xooggan ay ku soo darsameen. Xaafadaha kooshin iyo xaawo taako guud waxaa gudaha u galay  biyaha daadadka. Qoysas badan ayaa guryahooda kug xaniban kuwaas oo sahal saday biyaha wabiga. Dhawaqa biyaha oo cod dheer leh ayaa laga maqlayaa gudaha magaalada. Waxaana hakad uu ku yimid isu socodkii dadka iyo gaadiidka ee guud ahaan magaalada baladweyne. Baladweyne oo tan iyo 2018kii waxay la daala dhaceysaa fatahaadda wabiga shabelle dad badan oo kunool magaalada iyo qaar kamid ah madaxda maamulka gobolka ayaa aaminsan arintaan inay ku lug leeyihiin dad macaash doon ah oo faaiido ka dhex raadiya xaaladaha fatahaadda.

Doon ay la socdeen 115 Soomaali ah oo ku degtay xeebaha Yemen.

Hay’adda Socdaalka IOM ee Qaramada Midoobay ayaa sheegtay in doon ay la socdeen tahriibayaal isugu jiro Soomaali iyo Itoobiyaan ayaa Isniintii lasoo dhaafay ku degtay xeebaha dalka Yemen. Doonta degtay ayaa waxaa la socday illaa 260 tahriibayaal ah, waxaana dhintay 49 qof, halka 140 kalena lagu la’yahay xeebaha Yemen oo ah halka uu shilka ka dhacay. 115 kamid ah tahriibayaashan waxa ay ahaayeen Soomaali, halka 145 kalena ay ahaayeen Itoobiyaan, kuwaas oo kusii jeeday dhinaca waddanka Yemen. Sidoo kale waxaa lasoo badbaadiyay ugu yaraan 71 qof oo kamid ah tahriibayaasha, kadib gurmad loo fiyay, sida ay sheegtay hay’addaha socdaalka ee Qaramada Midoobay. Dadka la badbaadiyay waxaa ku jiray lix carruur ah, halka kuwa kale iyo hooyooyinkooda ay ku dhinteen badda gudaheeda, marka ay degtay doonida. Xaalad tahriibayaasha ayaa ah mid aad u adag, waxaana haatan la tacaalaya shaqaalaha gurmadka deg-dega ah ee soo bad-baadiyay, halka baadi goobayo kuwa kale ee maqan. Xeebaha Yemen ayaa kamid ah marinada ay halista badan ku wajahayaan tahriibayaasha sanad kasta kasii tallaaba badda cas, kuwaas ka baxsanaa colaadda iyo dhaqaale xumada. Si kastaba, IOM waxay horay u sheegtay in ay diiwaangalisay ilaaa 1,350 dhimasho ah oo ku dhintay marinka socdaalka badda tan iyo 2014, oo aan ku jirin sanadkan 2024-ka.    

Leave a Reply

Your email address will not be published. Required fields are marked *