Booliska Soomaaliya oo Muqdisho ku xiray Weriye Cali Aadan Muu’min.

Wararka naga soo gaaraya degmada Beled-Xaawo ee gobolka Gedo ayaa waxaa ay sheegayaan in khasaaro isugu jira dhimasho iyo dhaawac uu ka dhashay qarax ka dhacay Saldhiga Ciidanka Booliska degmadaas. Qaraxa oo wararka la helayo ay sheegayaan in uu aha Bam Gacmeed lagu weeraray Saldhiga ayaa waxaa ku geeriyooday hal Ruux halka Saddex kale ay ku dhaawacmeen, sida ay Dulsar TV u sheegeen dad goobhoogayaal ah. Qaraxa kadib Ciidamada Booliska Saldhiga degmada Beled-Xaawo ayaa waxaa ay fureen rasaas farabadan wallow aan weli la sheegin inay khasaaro kasoo gaareen Dadka Shacabka ah ee degmada Guryaha u dhow Saldhiga. Wararka ayaa waxaa ay intaasi ku darayaan in Ciidamada Booliska degmada Beled-Xaawo ee Gobolka Gedo ay sidoo kale sameeyeen howlgallo ay ku baadi goobayaan dadkii ka dambeeyay weerarkaasi bambaano. Laamaha Amniga iyo Mamulka degmada Beled-Xaawo ayaan weli wax faah faahin ah ka bixin Bamka lagu weeraray Saldhiga Booliska degmadaas, hayeeshee ay sheegeen inay dib ka faah faahin doonaan. Degmada Beled-Xaawo ee Gobolka Gedo ayaa waxaa ay kamid tahay degmooyinka ugu amniga wanaagsan Gobolkaas, waxaana gacanta ku haaya Ciidamada dowladda Soomaaliya iyo kuwo katirsan Maamulka Jubbaland.

Aabe Cabdicasiis Maxamed oo dhalay marxuumad Luul oo ahayd xaaskii Sayid-Cali Macallin Daa’uud ayaa maanta soo saaray dalab culus ku aadan kiiskiisa gabadhiisa, xilli ay maanta guda gashay Maxkamadda Sare ee dalka. Aaabe Cabdicasiis ayaa dalab toos u ah gudbiyay Maxkamadda Sare, wuxuuna ka codsaday inay cadaalad u raadiso gabdhiisa, ayna si xaq ah ugu kala xaq soorto labada dhinac. Waxaa kale oo uu rajo wanaagsan ka qabo in kiiska uu soo dhammaan doono, isla markaana uu heli cadaalad. “Xaalkeeda normal waayay waxaan sugayaa cadaalad ayaan Ilaahey ka sugeynaa xaqa hala ilaaliyo dadka haloo kala xaq sooro, cidna yaan loo eexan” ayuu yiri Aabe Cabdicasiis. Sidoo kale waxaa weli socota dooda maxkamadda, iyada oo marka hore la dhegeystay qareennada difaacaya eedeysanaha oo iyagu rafcaan usoo qaatay Maxkamadda Sare. “Marqaatiyaashii iyo Dhakhaatiirtii gacanta ku heysay Marxuumad Luul midna ma sheegin in uu Sayid Cali dilay xaaskiisa” ayuu doodiisa ku yiri Abuukaate Cali Xalane. Waxaa sidoo kale la dhegsetay xafiiska xeer ilaalinta oo isna sharraxaad ka bixiyay dacwadda loo haysto Sayid Cali Macallin Daa’uud oo uu kiiskiisu soo maray marxalado kala duwan. ”Waxaan maxkamada keenay markhaatiyaal nool nool oo cadeynaya in ay maqlayeen AUN marxuumad Luul oo leh walalow ha igubin miyaadan muslim ahayn oo ashahaadaneyso” ayuu yiri Xeer-ilaaliye ku xigeen Yaxye Maxamuud. Sayid-Cali Macallin Daa’uud waxaa horay xukuno dil ah ugu riday labax maxkamadood oo kala ah maxkamadda darajada koowaad iyo midda racfaanka ee gobolka Banaadir.

Wararka ka imaanaya degmada  Xarardheere ee gobolka Mudug ayaa sheegaya in Ciidamada Maxawisleyda  ee ku sugnaa farumaha dagaalka degmadaas ay isaga bexeen Fariisin ku ay ku lahaayeen halkaas . Ciidamada isaga baxay Aaga degmada Xaarardheere ee gobolka Mudug ayaa watay Gadiidka dagaalka islamarkaanaka u jeheystay sida la sheegay dhinaca degmada Wisil ee gobolka Mudug Ciidamada ayaa Wararku sheegayaan in ay  Gadoodeen ka dib markii ay waayeen Xuquudii ay lahaayeen looga baxay balan  ahayd in xuquuqdiida ay helayaan .