Mareykanka Oo Qaaday Tallaabo Ka Dhan Ah Hogaamiyaha Xamas.

Malaayiin qof oo ku nool gobollada Koonfur-bari ee Maraykanka ayaa Axaddii shalay bilaabay howlo isugu jira nadiifin iyo dayac-tir, kaddib marki roobab watay dabaylo iyo daadad ka dhashay duufaanta Helene ay burburiyeen guryo badan, waddooyin iyo buundooyin, laga soo billaamin Florida ilaa Virginia. Sida ay ku warrantay CNN-ta, duufaanta ayaa gobollada South Carolina, Florida, Georgia, North Carolina iyo Virginia ku dishay dad gaaraya ugu yaraan 89 oo qof. Wakaaladda wararka ee ayaa iyaduna sheegtay in tirada dhimashada ay tahay 69. Hase yeeshee saraakiisha dowladda ayaa ka cabsi qaba in tirada dhimashada ay intaasi ka badnaan doonto, maadaama wali la la’yahay dadka qaar. Dadka ugu badan ayaa laga diiwaangeliyay gobolka South Carolina, halkaas oo ay saraakiishu sheegeen in duufaantu dishay ilaa 25 qof, kuwaas oo intooda badani ay ku soo dul dhaceen geedo. Qiyaasta hantida ku burburtay ayaa lagu qaddaray cadad u dhaxeeya 15 ilaa 100 bilyan oo dollar.

Israel ayaa oggolaatay in 15-ka Agoosto dib loo bilaabo wadahadaladii xabad joojinta Gaza, sida ay dalbadeen dhex-dhexaadiyeyaasha Mareykanka, Qatar iyo Masar, sidaasina waxaa sheegay xafiiska ra’iisul wasaaraha Benjamin Netanyahu xilli xiisadda dagaal ka qarxa gobolka ay cirka isku shareertay. Hay’adda difaaca madaniga ah ee Qaza ayaa sheegtay in ka badan 18 qof duqaymo ay ciidanka Israel ku qaadeen laba dugsi maalintii Khamiistii, iyadoo Iran-na ay ku eedaysay Israel inay doonayso in ay dagaal ku faafiso bariga dhexe. War-murtiyeed ay si wadajir ah Khamiistii u soo saareen hoggaamiyeyaasha Masar, Qadar iyo Mareykanka ayay ku casuumeen dhinacyada is haya in ay dib u bilaabaan wada-hadallada 15-ka Agoosto kuwaasi oo ka dhacaya Doha ama Qaahira “si isfaham looga gaaro qeybaha aan wali la isla garan oo loo bilaabo hirgelinta heshiiska iyada oo aan dib loo dhigin”. Heshiis guud ayaa “hadda miiska saaran, oo kaliya tafaasiisha fulintiisu” ay dhiman tahay in la gabagabeeyo, iyadoo dhexdhexaadiyayaashuna ay “diyaariyeen in ay soo bandhigaan soo jeedinta heshiiska kama dambaysta ah” si loo xalliyo arrimaha harsan, ayay yiraahdeen. Xafiiska Netanyahu ayaa sheegay habeenkii xalay in Israa’iil ay 15ka Agoosto u diri doonto koox wada xaajoodyaal ah “goobtii lagu heshiiyo si loo soo gabagabeeyo tafaasiisha fulinta heshiiska”. Heshiiska la filayo in colaadda lagu hakiyo ayaa waxaa ka mid ah sii deynta la haystayaasha ee Gaza iyo in kor loo qaado gargaarka la gaarsiiyo Gaza.

Safiirka Israel ee Qaramada Midoobey ayaa sheegay in dalkiisu aanu dooneyn inuu dalka Lubnaan u diro ciidamo ka dagaalama, balse ay adeegsan doonaan habab kale, si Israeliyiinta barakaca uga maqan deegaanada waqooyiga Israel ee ku yaala xadka Lubnaan dib loogu soo celiyo guryahooda. “Ma daneynayno inaan bilowno duulaan kasta oo dhulka ah meel kasta. Ma doonayo inaan wiilkayga diro, mana rabno inaan wiilasheenna u dirno inay ka dagaalamaan waddan shisheeye, laakiin waxaa naga go’an inaan ilaalino shacabka Israel.” Ayuu yiri Amb. Danny Danon Safiirka oo Wariyeyaasha kula hadlay Xarunta Qaramada Midoobey ee Magaalada New York ayaa sheegay in Israel ay door bideyso xal diblomaasiyadeed, si loo soo afjaro colaadda kala dhaxeysa Ururka Xisbullah ee Lubnaan. “Israel waxay isticmaaleysaa habab kale, si shacabkeennii qaxay ay guryahooda ugu soo laabtaan.” Ayuu yiri Safiirku. Safiirka ayaa yiri “Sida keliya ee colaadda lagu soo afjari karo waxay tahay, iyadoo Xisbullah ay ka fogaato xuduudkayaga.” Danny Danon, Safiirka Israel ee Qaramada Midoobey ayaa dhanka kale dhalleeceeyay eedeymaha Israel uga imanaya madaxda caalamka ee ku aaddan in ay gacan xad dhaaf ah u adeegsaneyso dadka rayidka ah. Danon ayaa wax laga xishoodo ku tilmaamay in Madaxweynaha Turkiga, Recep Tayyip Erdogan uu Raysal Wasaare Benjamin Netanyahu la barbardhigo Adolf Hitler. Madaxweyne Erdogan oo gelinkii dambe ee Talaadadii khudbad ka jeedinayay Shirka Golaha Guud ee Qaramada Midoobey ayaa sheegay in Netanyahu iyo Hitler ay ka mideysan yihiin naxariis darrada. Si kastaba ha-ahaatee dagaalka u dhaxeeya Israel iyo Xisbullah ayaa maanta galay maalintii saddexaad, iyadoo Ciidanka Cirka Israel ay garaacayaan koonfurta Lubnaan, halka Xisbullah ay weerar ku hayso waqooyiga Israel. Xisbullah ayaa maanta gantaalkii ugu horreyay oo nooca ballaastikada ah ku weerartay Magaalada Tel Aviv ee bartamaha Israel, walow ay Militariga Israel sheegeen inay ka hortaggeen gantaalkaasi.