Imtixaanka oo ay ardaydu sannadkii 3aad ku qaadanayaan jaamacadaha dalka ayaa waxaa Deegaanka Soomaalida u fadhiisanaysa arday dhan 15,100 arday oo cilmiga sayniska dabiiciga kuwaasoo ku galaya imtixaanka 4 jaamacadood .
Wasiirka Xafiiska Waxbarashada DDS mudane Cabdulaahi Cabdi Aadan iyo madaxwaynaha Jaamacadda Jigjiga ayaa u kuurgalay habsami u soocdka Imtixaanka iyagoona booqday fasallada ay ardaydu imtixaanka ku galayaan.
Dowlad gobolleedka Galmudug iyo heerka waxbarasho ee dowlad gobolleedkaasi. Dowlad gobolleedka galmudug waxa uu kamid yahay maamuladii ugu horeeyay ee la aas aasay. Bishii August 11,2006 xilligaas ayaana si rasmi ah maamulkaas Madaxweyne loogu doortay Maxamed Warsame Cali (Kiimiko) Haatan oo ay dowlad gobolleedkaas jirsatay 18 sano waxaa madaxweyne ka ah Axmed Cabdi kaariye Qoor qoor. Waxaana u dhameystiran dhammaan dowlad gobolleedkaas wasaaradihii dowladnimadu saldhigga u ahaa. Waxaana kamid ah Wasaaradda waxbarashada oo haatan uu wasiirkeedu yahay mudane Maxamed Xaashi dhoore. Dhanka waxbarashada maamulkaas waxa uu kamid yahay maamulada ugu wanaagsan iyadoona wasaaradda waxbarashada galmudug ay kamid tahay wasaaradaha hoosyimaado wasaaradda waxbarashada ee dalka. Labo iyo toban Magaalo oo maamulkaas uu ku arimiyo ayaa waxaa wax ku barta arday isku cel celis gaaraya 6kun. Manhajka rasmiga ee lagu dhigo iskuulada dowlad gobolleedka galmudug waa manhajka ay soo saartay wasaaradda waxbarashada soomaaliya iyadoona sidoo kale si toos ah wasaaradu ay u maamusho waxbarashada maamulkaas sida qarashaadka macalimiinta iyo dayactirka iskuulada. Inkastoo sanadkan imtixaankii sanad dugsiyeedka ee gobolka banaadir iyo dowlad gobolleedyada ee 2023/20244 kaalmo hore aaney ka galin galmudug hadana sanadkii hore 2022/2023 liiska 10 arday ee kaalmaha hore ka galay waxaa oogu jiray hal Arday.
Madaxwayne kuxigeenka DDS Mudane Ibraahim Cusmaan Faarax oo uu wehelinayo Wasiirka Xafiiiska Waxbarashada DDS Mudane Cabdulaahi Cabdi Aadan ayaa saaka daahfuray imitixaanka fasalka 8aad oo ay deegaanka u fadhiisanayaan 35kun oo arday taasi oo 6,771 arday ay maamulka magaalada Jigjiga ku marayaan. Madaxwayne kuxigeenka DDS Mudane Ibraahim Cusmaan Faarax ayaa ardayda kula dardaarmay in ay si deggan imtixaanka uga shaqeeyaan iyada oo la iska ilaalinaayo qishka, Madaxwayne kuxigeenka ayaana ardayda guul u rajeeyay. Imtixaanka fasalka 8aad ayaa lagu marayaa xarumaha degmooyinka iyo maamul-magaalooyinka si loo ilaaliyo nidaamka geeddi-socodka imitixaanka qishkana looga hortago.
Wasaaradda waxbarashada ee dowlad gobolleedka Jubbaland waxay ka dheereyneysaa dowlad gobolleedyada kale ee dalka ka jira. Mashaariicda lagu xasuusto wasaaradda waxbarashada ee maamulkaas ayaa kamid ah dhismaha sideed goobood oo waxbarasho kuwaas oo wasaaradu ay ka hergalisay duleedka waqooyi ee magaalada kismaayo. Goobahan waxbarasho ayaa laga dhisay deegaano ay kamid yihiin baar-sanguuni iyo Qaam-qaam. Sidoo kale jubbaland iyo dadaalkeeda Waxbarashada dalka waxaa kamid ah kullan weynihii magaalada kismaayo ugu soo idlaaday masuuliyiinta wasaaradda waxbarashada iyo tacliinta ee dowladda dhexe ee somaliya iyo wasaaradaha waxbarashada ee dowlad gobolleedyada ee dalka. Kullankan oo lagu soo gabagabeeyay magaalada kismaayo ayaa musliiyintii ka socotay la hadlay madaxweyne Axmed Maxamed Islaam Axmed Madoobe isagoona sheegay iskaashi dhexmara wasaaradaha waxbarashada dowlad gobolleedyada iyo tan federaalka inay sare u qaadeyso tayada iyo qiimaha waxbarashada ardayda soomaaliyeed. Dhanka iskuulada ugu faca weyn ee kuyaala deegaanada jubbaland waxaa kamid ah iskuulka hoose dhexe iyo sare ee loo aqoon jiray beri samaadkii Jamaal Cabdinaasir balse 2010kii loo bixiyay magaca Khaalid bin Waliid. Iskuulkan oo arday badan ay ka aflaxeen tan iyo markii dhidibada loo taagay ayaa kuyaala magaalada kismaayo. Waxaana ka howlgala barayaal kor u dhaafaya 40 macalin oo rag iyo dumar isugu jira. Wasaaradda Waxbarashada ee jubbaland ayaa markii laga soo tago adeegyada Aas aasiga ee iskuulada ay u fuliso waxay sidoo kale u qabataa tabbabaro sare loogu qaadayo aqoonta macalimiinta. Kullan toddobaadkii ugu dambeeyay ka dhacay magaalada kismaayo una dhaxeeyay culumaaudiinka magaalada kismaayo iyo bahda macalimiinta ayna soo qaban qaabisay wasaaradda waxbarashada jubbalnd ayaa looga hadlay qishka ardayda xilliyada imtixaanada iyo sida loo cirib tiri karo. Kulanka waxaa goob joog ka ahaa wasiir ku xigeenka wasaaradda waxbarashada jubbaland Muqtar kamil. Gun iyo gunaanadkii ardayda ka socota iskuulada jubbaland ayaa sanadkaan kaalmaha hore ka galay imtixaankii dowladda ee gobolka banaadir iyo maamul gobolleedyada. Deeqo maxamed cabdullaahi oo kamid ah ardayda iskuulka faanoole ayaa kaalinta koowaad ka gashay imtixaanka sanadkan halka kaalinta sedexaadna uu nasiib u yeeshay Muuse maxamed xasan oo dhigta iskuulka Horyaal ee magaalada kismaayo walow arday kale kaalinta ay isla galeen. Tani ayaa muujineysa dadaalka iyo horumarka xagga waxbarasho ee jubbaland ay ku talaabsaneyso.
