Qaabka fikirka Maamulka Barcelona iyo doonista hansi flick ma wada socdaan waxaana aad ka arkaysa magacyada lala xidhiidhinayo kooxda.

Xiddiga reer Argentina ee Lionel Messi ayaa shaaciyey qorshihiisa hawlgabka kubadda cagta, waxaana uu magacaabay naadiga uu kusoo gunaanadi doono kubadda cagta isaga oo meesha ka saaray kooxdiisii carruurnimadii ee Young Boys. Lionel Messi oo ka mid ah ciyaartoyda xulka qaranka Argentina ee isku diyaarinaya tartanka Copa America oo ay difaacanayaan ayaa qish weyn ka bixiyey mustaqbalkiisa. 36 jirkan oo dalkiisa la qaaday Koobkii Adduunka 2022 ee lagu qabtay waddanka Qatar iyo Copa America 2021 oo ay dalka Brazil ka qaadeen ayaa waxa uu sheegay in uu kubadda cagta kaga fadhiisanayo kooxdiisa hadda ee Inter Miami. Waraysi uu siiyey warbaahinta ESPN ayuu ku yidhi: “Inter Miami ayaa noqon doonta kooxdaydii ugu dambaysay ee aan u ciyaaro. Laga bilaabo maanta, waxay noqon doontaa kooxdaydii ugu dambaysay. Wan jecelahay kubadda cagta, in badan ayaanan ku raaxaysaa sababtoo ah waxa aan ogahay wax walba, balse kooxdayda ugu dambaysa waa Inter Miami.”

Manchester United ayaa waxa xilli-ciyaareedka dambe sii hoggaamin doona tababare Erik ten Hag oo waliba heshiis cusub u saxeexaya naadiga, kaddib markii ay isla qaateen Sir Jim Ratcliffe saddex shuruudood oo uu soo dhigay macallinka reer Netherlands. Manchester United oo hore u raadinaysay tababareyaasha ay ka mid yihiin Thomas Tuchel iyo Mauricio Pochettino ayaanay u suurtogelin oo iska diiday, sidoo kalena Gareth Southgate ayaa diiradda saaraya xulka qaranka England oo aan dhinacooda usoo jeedsanin. Wada-hadallo dhaxmaray Erik ten Hag iyo Thomas Tuchel ayaa waxa ay sababeen in ay isla qaataan in uu sii joogo Ten Hag oo uu waliba saxeexo heshiis cusub, waxaana sidoo kale ay maamulka kooxdu ogolaadeen saddex shuruudood oo uu ku xidhay. Shuruudaha uu heshiiska ku xidhay ee ay kooxdu u ogolaatay ayaa waxa ka mid ahaa, in uu isagu yeesho awoodda suuqa iibka oo ciyaartoyda kooxda la keenayo uu isagu doorto. Sidoo kale, waxa uu shardi ka dhigay in Jason Wilcox oo ah agaasimaha ciyaaraha kooxdu aanu wax farogelin ah ku yeelan karin qaabka tababarka iyo xulashada, taas oo la fahamsan yahay inay ka dhalatay markii uu Wilcox soo jeediyey in Bruno Fernandes laga ciyaarsiiyo No.9-ka beenta ah finalkii FA Cup ee Man City. Waxa kale oo uu Erik ten Hag shuruud ka dhigay in kooxda aanu dib ugu soo noqonin Jadon Sancho illaa inta uu warbaahinta marinayo raalligelin maadaama uu hore ugu tilmaamay beenaale, halka sharci kalena ahaa in qandaraaska loo kordhiyo Benni McCarthy oo ka mid ah tababareyaasha naadiga.  

Madaxweynaha Barcelona Joan Laporta ayaa sheegay in kooxda La Liga ay ka go’an tahay” saxiixa garabka Athletic Bilbao Nico Williams. 2h21 jirkaan ayaa kusoo baxay ciyaaryahan muhiim u ah Bilboa iyo Spain, isagoo markii hore ka qeyb qaatay shan gool iyo 11 caawin 31 kulan oo uu saftay horyaalka La Liga xilli ciyaareedkii hore. Taasi waxay ka qayb qaadatay in Williams lagu aamino safka xulkiisa ee Euro 2024, isagoo dhaliyay hal gool iyo hal caawin afar kulan oo uu kusoo bilowday. Dhawaan bishii December, Williams wuxuu qalinka ku duugay heshiis cusub oo waqti dheer ah oo uu kula sii joogayo Bilbao, isaga oo kordhinaya sii joogida kooxda ilaa dhamaadka 2026-27. Si kastaba ha ahaatee, waxaa si weyn loo hadal hayaa inuu jiro xiisa ka imaanaya Premier League, gaar ahaan kooxaha Liverpool iyo Chelsea. Waxaa jiray soo jeedin hore oo ku saabsan in Williams laga yaabo inuu isku diyaariyo inuu sii joogo kooxdiisa si uu kor ugu qaado fursada uu ugu dambeyntii ugu wareegi karo Camp Nou. Iyadoo Barcelona ay dhibtoonaysay dhaqaale ahaan dhowr sano, fikradda ayaa ah in saxiixa xiddiga aan macquul ahayn dhammaadka August. Taas bedelkeeda, Laporta ayaa tilmaamay in Barcelona ay dhawaan gaari doonto go’aan ay ku heli karaan qiimaha lagu burburin karo qandaraaska Williams, kaasoo lagu sheegay 53 milyan oo ginni. Isagoo la hadlaayay Catalunya Radio, Laporta ayaa yiri: “Marka laga hadlayo dhaqaalaha, waxaan ballan qaadeynaa saxiixa Nico Williams. “Nico waa ciyaaryahan aan jeclahay, aad ayaan uga helaa isaga, waxaan kala shaqeyneynaa Tababare Hansi Flick saxiixyada suurtagalka ah. “Waqti gaaban waxaan awood u yeelan doonaa inaan ku dhawaaqno war wanaagsan oo ku saabsan dhaqaalaha, waxaana ku soo laaban doonaa xadka Fair Play ee La Liga. Taasina waxay ogolaan doontaa inaan sameyno wax wanaagsan. Sidii la filayey Barcelona ma aysan keenin wajiyo cusub xiligaan suuqa kala iibsiga, laakiin waxaa jiray seddex ciyaaryahan oo ka baxay, Sergino Dest ayaa u ambabaxay PSV Eindhoven, halka Marcos Alonso iyo Sergi Roberto uu mid walba beeca xorta ah kaga tagay. Joao Cancelo iyo Joao Felix ayaa ku laabanaya Manchester City iyo Atletico Madrid. Sidoo kale Clement Lenglet, Eric Garcia, Julian Araujo, Pablo Torre iyo Ansu Fati ayaa dhamaantood dib ugu laabtay kooxda ka dib markii ay amaah kaga soo qaateen Barcelona intii lagu jiray 2023-24.